၂၀၁၁ ခုနှစ်၊ ဇန်န၀ါရီလ ၃၁ ရက်နေ့မှာ ကျွန်တော်တို့ ပြည်ထောင်စုသမ္မတ မြန်မာနိုင်ငံတော်ရဲ့ နှစ်ဆယ့် နှစ်နှစ်အတွင်း ပထမအကြိမ် ပြည်သူ့လွှတ်တော်ခေါ်ယူကျင်းပတော့မယ်လို့ သတင်းတစ်ပုဒ်မှာ ဖတ်လိုက်ရတယ်။ တကယ်တော့ လွှတ်တော်ဆိုတာ နိုင်ငံတကာမှာ အငြင်းသန်တဲ့ လူတွေနဲ့ ဖွဲ့စည်းထားတဲ့ အစိုးရအဖွဲ့စနစ်တစ်ခုပါတဲ့။ ကျွန်တော်တို့ဆီက လွှတ်တော်မှာတော့ ဘယ်လိုလာမယ်ဆိုတာ အားလုံး ခန့်မှန်းပြီးသားဖြစ်မှာပါ။ နိုင်ငံတကာလွှတ်တော်အတွင်းက ပုံရိပ်အချို့ကို ကျွန်တော်အောက်မှာ စုစည်း တင်ထားပါတယ်။ တကယ့်ကို အားရစရာပါပဲဗျာ။
ငြင်းခုံခြင်းနဲ့ပတ်သက်လို့ ကျွန်တော်တခါတလေ စဉ်းစားမိတာရှိတယ်။ ကျွန်တော်တို့နိုင်ငံက ကမ္ဘာမှာ အငြင်းအသန်ဆုံးလို့ သတ်မှတ်ခံထားရတဲ့ အိန္ဒိယနဲ့ နယ်နိမိတ်ထိစပ်နေတာတောင်မှ ငြင်းခုန်တယ် ဆိုတာကို ရှက်စရာလို့ သက်မှတ်နေကြတုန်းပဲဗျာ။ ကျွန်တော်ဖတ်ဘူးတဲ့ စာအုပ်တစ်အုပ်ရှိတယ်။ အိန္ဒိယက နိုဘယ်ဆုရှင် Amart Sen ရေးတဲ့ The Argumentative Indian ဆိုတဲ့ စာအုပ်ပါ။ အငြင်းသန်တယ်ဆိုတာ အိန္ဒိယ ရဲ့ ရှေးရိုးရာ ယဉ်ကျေးမှု တစ်ခုဖြစ်ကြောင်း၊ ငြင်းခုံခြင်းက ဦးနှောက်ကို ဖွံ့ဖြိုးစေပြီး အတွေးအခေါ်သစ်တွေကို ရရှိစေမှာဖြစ်ကြောင်းနဲ့ အိန္ဒိယတွေက သူတို့ရဲ့ အငြင်းသန်တဲ့ ယဉ်ကျေးမှုကို အရမ်းဂုဏ်ယူတဲ့ အကြောင်းလေးတွေရေးထားတာပါ။
ကျွန်တော်တို့နိုင်ငံမှာတော့ ဗုဒ္ဓဘာသာယဉ်ကျေးမှုနဲ့ ကြီးသူကိုရိုသေလေးစားရတဲ့(အာရှ)ယဉ်ကျေးမှု အရမ်းလွှမ်းမှိုးခဲ့တော့ ငြင်းခုံခြင်းကို ရှက်စရာလို့မြင်လာကြတယ်လေ။ အရှုံးပေးရင် နှလုံးအေးတယ်ဆိုတဲ့ ဆင်ခြေအမျိုးမျိုးကလည်း ရှိသေးတယ်။ ပိုဆိုးတာက အခုနောက်ပိုင်း ကိုလိုနီလက်ကျန် ဗြူရိုကရက်တစ် အစိုးရလက်ထက်မှာ ပြန်ပြောခွင့်သိပ်မရှိတော့သလောက်ပါပဲ။ ကျွန်တော်ကိုယ်တိုင် အစိုးရ၀န်ထမ်းဘ၀ တစ်လျှောက်မှာ ပြသနာတွေ ခဏခဏကြုံခဲ့ရပါတယ်။ ကျွန်တော့ ချစ်သူကိုယ်တိုင်က ကျွန်တော့ကို အငြင်းသန်တယ်လို့ ခဏခဏမှတ်ချက်ပေးပြီး အရှုံးပေးတာများပါတယ်။
အဲဒီတော့ ရိုင်းရိုင်းပြောရရင် ကျွန်တော်တို့တတွေ ပိုပိုတုန်းလာတာပေါ့ဗျာ။ နိုင်ငံတကာ အစည်းအဝေး တွေမှာ ကျွန်တော်တို့တစ်တွေက သူများတွေဘာလုပ်ကြမလဲ ဘာဆွေးနွေးကြမလဲ၊ ဆုံးဖြတ်ချက်အတိုင်းပဲ နားထောင်တတ်တဲ့ နိုင်ငံသားတွေလို့ ထင်မြင်လာကြတယ်။ ကျွန်တော့်သူငယ်ချင်းတချို့က မင်းတို့ မြန်မာတွေ အရမ်းသည်းခံနိုင်တာပဲလို့ ခဏခဏပြောတယ်။ သူက သဘောရိုးနဲ့ ပြောတာလားတော့ မသိဘူး ကျွန်တော်ကတော့ ကိုယ့်ယဉ်ကျေးမှုနဲ့ ဂလိုဘယ်လိုက်ဇေးရှင်းမှာ ၀င်ပါမယ်ဆိုရင်တော့ ကျွန်တော်တို့တတွေလည်း အငြင်းသန်မှဖြစ်တော့မယ်လို့ ယူဆပါတယ်။ ကိုယ့်ယူဆချက်ကို အသေ ဆုပ်ကိုင်ထားရမယ်လို့ မဆိုလိုပေမဲ့ ကိုယ်မှန်တယ်ထင်ရင် ပြောရဲတဲ့ သတ္တိတော့ ကျွန်တော်တို့ မွေးမြူဖို့လိုလာတာ သေချာပါတယ်။ သမိုင်းထဲကလို ကိုယ့်အယူအဆအတွက် အဆိပ်သောက်ရဲခဲ့တဲ့ သူတွေကို တနေ့တခြားပိုပို လေးစားလာမိပါတယ်။
အောက်ကဓါတ်ပုံတွေကတော့ ကျွန်တော်စုဆောင်းထားတဲ့ လွှတ်တော်အတွင်းက ရန်ပွဲမြင်ကွင်းတချို့ပါ.
 |
| ဒါကတော့ ယုံကြည်မှုအတွက် အဆိပ်သောက်ရဲတဲ့ ဆိုကရေးတီးပါ (From the Death of Socrates by Jacques-Louis David in 1787) |
No comments:
Post a Comment